ääm

Ütwånering - tånkstiinj än archiif

Di tånkstiinj twasche et Nordfriisk Instituut än et Nordfriisk Futuur wiset, wat for'n grut bedjüsing e ütwånering for da nordfrasche häi. Dåt teema migratsjoon as ouers jüst önj da leeste iirnge wi huuchaktuäl wörden.

Ütwånerer-archiif

Et Nordfriisk Instituut lait önj e mal foon en hoodregjoon foon Slaswik-Holstiin, weer maning manschne foon üt ouer tu Ameerika gängen san. Südänji wörd heer 1994 et nordfriisk ütwånerer-archiif grünläid. Huum fant deer doote tu amenbai 5.000 manschne än jare äine, wat foon Nordfraschlönj än dåt weestlik Nordslaswik ütwånerd san.

Wan jam eefter manschne üt jarnge famiili säke, wat dåt uk dänj hääwe, heelpe we jam deer hål bai. Jü online-dootebånk foont ütwånerer-archiif wårt tutids tächnisch sü ouerårbed, dåt jam deer önj e tukamst uk seelew aw tugripe koone.